लेव्हल

टीव्ही वर; म्हणजे दूरदर्शन वाहिनीवर एक जाहिरात येते, प्रबोधनपर. त्यात एक कुत्रा असतो जो माणसांसाठीचा रस्ता ओलांडण्याचा सिग्नल हिरवा होईपर्यंत वाट बघून मग रस्ता ओलांडतो; आणि बाकी अनेक व्यक्ती ज्या हे असलं काहीही न करता रस्ता दिसेल तशा धावत सुटतात. ती आणि तशा अनेक जाहिराती दाखवून झाल्या पण गाढवापुढे... ची गोष्ट चालूच आहे. या विषयाचाच कंटाळा येतो आता. मी लाल सिग्नल ला मान देऊन उभा असतो शांतपणे आणि माझ्या मागून गाड्या येतात; हा काय ****** आहे बघा ! अशा आविर्भावाने बाजूने सिग्नल तोडून निघून जातात. या अशाच लोकांना ‘रांगेचा फायदा सर्वांना’ हे शाळेत किंवा त्यांच्या आईबाबांनी शिकवलेलं नसतं, त्याना QUEUE म्हटलं की हिंदीतलं ‘क्यूं?’म्हणायचं कळतं. त्यांना BMW मधून बाहेर थुकण्यात ‘स्टेटस’ वाटतो. त्यांना अशिक्षित म्हटलेलं झोंबतं, मग ते मवाल्यासारख्या शिव्या देतात. थोडक्यात काय,

‘लेव्हल गाठलेली माणसंच लेव्हल सोडतात’

- अ. ज. ओक

Discipline

Consistent droplets can turn into an ocean. Practice builds up into Perfection. More than hard work, more than good luck, more than knowledge and more than blessings, what really takes you to your goal, is discipline in everything. Being seriously disciplined is not a joke, but failing isn't fun either. That is why you should,

'Punish yourself with Discipline, or you'll have to Punish yourself with Disappointment.' - A J Oka

लाटण्याची लाट

आजकाल गोष्टी लुबाडण्याचा, लाटण्याचा, हिसकावण्याचा, बळकावण्याचा ट्रेंड आहे. त्यामुळे तिकिटाच्या रांगेतील जागेपासून ते शाळा-कॉलेज मधल्या जागेपर्यंत, बस-ट्रेन मधल्या सीटपासून ते राजकारणातल्या सीट पर्यंत, अध्यक्षपदं, अ‍ॅवॉर्डस पासून ते विजेतेपदं, रिवॉर्डस पर्यंत सगळ्या गोष्टी लाटल्या जातात, बळकावल्या जातात. मग लुबाडणा-यांना विजयसुख आणि लुबाडलं गेलेल्यांना वैफल्य असं हे समीकरण पूर्ण होतं.

जमिनी, मालमत्ता, या तर लाटल्या जाणा-या गोष्टींपैकी हिट गोष्टी. आता तर त्यांच्याबरोबर देवही लाटले जातायत. त्यांच्यावर हक्क सांगितले जातायत. दैवतं लाटली जातायत, देवळं लाटली जातायत. 

‘पण असं आहे की, जमीन लुबाडता येते, जमिनीवरचं प्रेम लुबाडता येत नाही. पदं, पदव्या हिरावून घेता येतात पण त्यांच्यासाठीची पात्रता हिरावून घेता येत नाही. लोकप्रियता लाटता येते, पण लोकमान्यता लाटता येत नाही.... देव लाटता येतील; पण भक्ती लाटता येत नाही. देवत्व तर त्याहून नाही.’ 

- अ. ज. ओक

वखवखलेला

पैशामुळे आणि पैशासाठी वखवखलेला समाज एक दिवस भारत देशाची अवस्था अफ्रिकन देशांसारखी करेल आणि ही गोष्ट होण्यापासून कुणीही थांबवू शकणार नाही. - अ. ज. ओक